असिम सागर

ताज न हो एकछिन मात्र  शिरमा सजिने  भनेको 

मान्छेको प्रेम हो मान्छेले बर्षौं सम्झिने भनेको 

कहिपय व्यवहार नाटकीय पनि हुन सक्छन 

यहाँ मन र विचारले हो मान्छे तौलने भनेको 

जमिन बिर्सिनेहरुलाई गएर यो शेर सुनाई दिनु 

भकारी भरि भएर हो अनाज पोखिने भनेको

 

बरु खाली खुट्टाहरु अलि होसियारले हिन्छन् 

जुत्ता न हो किरा र फट्यांग्रा कुल्चिने भनेको 

यति धेरै दुखि पनि नहुनु कि आँखा संधै भिजिरहुन 

भिजेको समान न हो यहाँ बढी कुहिने भनेको 

असिम सागर (Asim Sagar)

फत्तेमान श्रेष्ठ (Fatteman Shrestha)